BE.39 Logu no.156
BEHA MA PAJALONGKU

Ayat 1
Beha ma panjalongku Di Ho O Tuhanki ?
Beha ma panomungku Di Ho o Rajangki ?
Sondangi ma rohangku na holom na bodo
Ai naeng patupaonku Las ni rohaM di Ho

Ayat 2
Pangisi ni SionMu Do mangolophon Ho
Lao songon i rohangku Lao mandapothon Ho
Na ringgas do rohangku Mamuji goarMi
Na daulat do sangkaphu Patulus rohaMi

Ayat 3
Ai ndang adong na hurang Na pinatupaMon
Mambaen tu au sumuang Dame ni rohangkon
Ai di na marsak ahu Binaen ni dosa i
Ro Ho ale Pangolu Mandaoni sahithi.

Ayat 4
Tung aha ma alana Umbaen ringkot roham
Tumopot manisia Nda holong ni roham ?
Nda asi ni rohaMu Di na tarsosak i ?
Ai naeng pangoluonMu Sude naung mago i

Ayat 5
Di na tarihot ahu Ro Ho mananggal au
Di na tarhurung Ho paluahon au
Ho na pasangaphon Na lea on hian
Ho do na pamorahon Na pogos on hian

Ayat 6
Hamu na holso roha Biaen ni dosa i
Tangihon boaboa Na sian surgo i
Naung ro do Sipalua Disuru Ama i
Pasonang rohamuna Mamboan dame i

Ayat 7
Ndang be habiaranmu Sude pangago i
Ai nunga ro Rajamu Mangalo saasude
Maporus do luhutna Dibaen Rajanta i
Rendep do sasudena Di adopanNa i

Ayat 8
Ro do Ibana sogot Di ari uhum i
Ingkon disi tarsonggot Pardosa na tois i
Alai na holong roha Marlas ni roha do
Disi ma dohononna Pinuji Ho na ro
